പ്ലാസ്മ തെറാപ്പി ഫലപ്രദമല്ലെന്ന് ഐസിഎംആർ ; കോവിഡ് ചികിത്സാ മാർ​ഗരേഖകളിൽ നിന്ന് ഒഴിവാക്കി

ന്യൂഡൽഹി: കോവിഡ് ചികിത്സയിൽ നിന്ന് പ്ലാസ്മ തെറാപ്പി ഒഴിവാക്കി. രോ​ഗികളിൽ പ്ലാസ്മ തെറാപ്പി ഫലപ്രദമല്ലെന്നുള്ള ഐസിഎംആർ കണ്ടെത്തിയിരുന്നു.

കോവിഡ് ബാധിതരെ ​മരണത്തിൽ നിന്ന് രക്ഷിക്കാനോ ​ഗുരുതര രോ​ഗമുള്ളവരുടെ ആരോ​ഗ്യനില വഷളാവാതിരിക്കാനോ സഹായിക്കുന്നില്ലെന്നാണ് ഐസിഎംആർ കണ്ടെത്തിയിരിക്കുന്നത്. ഇതോടെ കോവിഡ് ചികിത്സാ മാർ​ഗരേഖകളിൽ നിന്ന് പ്ലാസ്മ തെറാപ്പിയെ ഒഴിവാക്കി.

പ്ലാസ്മ തെറാപ്പിയെകുറിച്ചുള്ള ആശങ്ക ലോകാരോ​ഗ്യ സംഘടനയും നേരത്തെ അറിയിച്ചിരുന്നു. കോവിഡ് ഭേദമായവരുടെ രക്തത്തിൽ നിന്ന് പ്ലാസ്മ വേർതിരിച്ചെടുത്ത് അതിലെ ആന്റിബോഡി രോ​ഗികളിലേക്ക് പകർത്തി നൽകുന്നതായിരുന്നു പ്ലാസ്മ തെറാപ്പി. എന്നാൽ പിന്നീട് പ്ലാസ്മ തെറാപ്പിയുടെ അനിയന്ത്രിതമായ ഉപയോ​ഗം വൈറസ് വകഭേദങ്ങൾക്ക് കാരണമായേക്കാം എന്ന ആശങ്കയും ഉയർന്നിരുന്നു.

പ്ലാസ്മ ദാനം ചെയ്യാൻ ആവശ്യപ്പെട്ട് ക്യാംപെയ്നുകളും രാജ്യത്ത് നടന്നു. എന്നാൽ ഇതിന് ഇടയിലാണ് മാർ​ഗ രേഖ കേന്ദ്ര സർക്കാർ പുതുക്കിയത്.

from mangalam.com https://ift.tt/33YTtNj
via IFTTT